ශ්රී ලංකා යුද්ධ හමුදාව 76 වන සංවත්සරය සමරයි
ශ්රී ලංකා යුද්ධ හමුදාවේ 76 වන සංවත්සරය අදට (ඔක්. 10) යෙදී තිබෙනවා.
ශ්රී ලංකා යුද්ධ හමුදාවේ 76 වන සංවත්සර දිනයට සමගාමීව මවුබිමේ ඒකීයභාවය වෙනුවෙන් දිවිපිදූ වීරෝදාර රණවිරුවන්ගේ අමිල මෙහෙවර සිහිපත් කිරීමේ රණවිරු අනුස්මරණ උත්සවය බත්තරමුල්ල, රණවිරු ස්මාරකය අභියසදී පසුගියදා (08) පැවැත්වුණා.
යුද්ධ හමුදා දිනයට සමගාමීව විවිධ ආගමික වැඩසටහන් රාශියක් සංවිධානය කර තිබූ අතර, ධජයන්ට සෙත් පැතීමේ වැඩසටහන් යුද්ධ හමුදාපති ලුතිනන් ජෙනරාල් ලසන්ත රොද්රිගෝ මහතාගේ ප්රධානත්වයෙන් ජය ශ්රී මහා බෝධිය, කිරිවෙහර, කතරගම දේවාලය, ශ්රී දළදා මාළිගාව, කෝට්ටේ සාන්ත තෝමස් දෙව්මැදුර, කොල්ලුපිටිය ජුම්මා පල්ලිය හා වවුනියාව ශ්රී කන්දස්වාමි කෝවිලේදී පැවැත්වුණා.
